BAKI, 27 noy – Sputnik. Türkiyənin Bodrum vilayətində Yunanıstana keçmək istəyən qayığın batması nəticəsində 2 azyaşlı uşaq ölüb.
Qayıqda bir neçəsi uşaq olmaqla, 17 nəfər olub. Onlar qaçaq yolla Türkiyədən Yunanıstanın Kos adasına keçmək istəyiblər. Sağ qalan mühacirləri Türkiyə Sahil Mühafizə Xidmətinin əməkdaşları xilas edib.
Xilasedicilər suda boğulan bir uşağı həyata qaytara biliblər.
Qaçqınlar Bodrumdakı dövlət xəstəxanasına yerləşdiriliblər.
