BAKI, 24 noy – Sputnik. “Bir neçə il öncə, kəndin bəzi xeyirxah insanları dağılmış məscidi bərpa etmək üçün İcra hakimiyyətinə müraciət etmişdilər. Amma hələ də bəlli olmayan səbəblərdən məscid bərpa olunmur”. Bunu Qazax rayonu Dəmirçilər kənd sakini Samir Məmmədov deyib.
Onun sözlərinə görə, dindar təbəqə kənddə məscid olmadığından rayon mərkəzinə getməyə məcbur olur:
“Məscid təmir olunsaydı, ən azı cümə günləri insanlar rahat öz ibadətlərini yerinə yetirərdilər”
Məscidin acınacaqlı vəziyyətindən də danışan kənd sakini Məmmədov, hazırda ibadət yerinin axıra çevrildiyindən təəssüfləndiyini bildirib.
