BAKI, 23 noy — Sputnik. Kanadanın Toronto şəhərində yandırılan Əl-Salaam məscidinə vurulan 80 min dollarlıq zərərə görə xalqdan 110 min dollar ianə toplanıb.
Məscid Parisdə törədilən terror aktından sonra 14 noyabr gecəsi yandırılmışdı.
Hadisədən sonra, məscidin yenidən təmir olunması üçün, Kanada vətəndaşı Duane Rousselle 16 noyabr tarixində internet vasitəsilə ianə kampaniyası başlatmışdı.
Yardım kampaniyasına 3 gün ərzində 2100 nəfər qoşulmuşdu.
Əldə olunan gəlir, məscidin tabe olduğu Kanada Müsəlmanlar Dərnəyinin hesabına köçürülüb.
