BAKI, 18 noy – Sputnik. Gün ərzində on min hərəkət, incə dəri, piy vəzlərinin yoxluğu, dərialtı piy qatının olmaması… Məhz bunlara görə göz ətrafında qırışlar tez əmələ gəlir. Bundan başqa, bu sahədə əmələ gələn qara kölgələr və şişkinlik də dərini tez qocaldır.
Sputnik azadqadin.az-a istinadən xəbər verir ki, göz qapağı üçün vasitələr dərini hamarlaşdırmaqla yanaşı, ağardıcı təsir də göstərir. Onlara qoyulan tələblər üz üçün vasitələrə qoyulanlardan qat-qat çoxdur. Belə ki, göz ətrafı üçün kremlər oftalmoloji testlərdən də keçir, bundan əlavə, onlar daha yüngül tərkibə malikdir.
Göz qapağı üçün kremdən istifadə qaydası.
Bu mövzuda, yəni gözətrafı kremdən necə istifadə edilməlidir məsələsində kosmetoloqlar eyni fikrə gəlməyiblər. Üst göz qapağı ilə hər şey aydındır: kremdən bir az barmağın ucları ilə içəridən kənarlara doğru vurulur. Amma bəzi kosmetoloqlar göz qapağının hərəkətli hissəsinə, yəni bəbək olan yerə toxunmamağı məsləhət görürlər. Bəs kremi hansı istiqamətdə vurmaq lazımdır — içəridən kənara, ya əksinə? Ən yaxşısı hər iki istiqamətdə yüngül toxunuşla vurmaqdır.
Masaj.
Masaj gözətrafı, həmçinin üzdəki qırışlarla mübarizədə effektiv vasitədir. İlk peşəkar masajı Yelena Rubinşteyn işləyib hazırlayıb. Bu gün üz və göz ətrafına masaj barmaq, fırça, qaşıq, çubuq və başqa köməkçi vasitələrlə edilir.
Təmizləmə.
Üz və göz makiyajının düzgün təmizlənməsi də dərinin uzun müddət cavan qalmasına şərait yaradır. İlk növbədə, proses tələsmədən aparılmalıdır. Tuş göz qapağı üçün vasitəyə batırılmış pambıq çubuqla təmizlənməlidir. Moloçko lazımi miqdarda vurulmalıdır ki, barmaqlar dəridə rahat hərəkət etsin. Hərəkətlər dairəvi və üzün mərkəzindən kənarlara doğru olmalıdır. Boyun isə aşağıdan yuxarıya doğru silinməlidir. Dərinizi pambıq diskə vurulmuş moloçko ilə silməyin, bu, dərini zədələyir.
