BAKI, 13 noy – Sputnik. Türkiyə prezidenti Rəcəb Tayyib Ərdoğan, qaçqınlara göstərdikləri qeyri-insani davranışlara görə Avropa ölkələrini tənqid edib. Ərdoğan, Avropanı qapılarını qaçqınların üzünə bağlamaqda günahlandırıb.
"Büdcəsi Türkiyədən daha çox olan ölkələr qaçqınları içəri almamaqda israr edir. Həmin Avropa ölkələri üstüörtülü şəkildə qaçqınlara xitabən "Gedin Egey və Aralıq dənizində boğulun” deyir. Bəs, qəfildən Türkiyədə olan 2 milyon qaçqın Avropaya tərəf yürüsə, necə olacaq?", deyə Ərdoğan CNN-ə müsahibəsində bildirib.
Prezidentin sözlərinə görə, noyabrın 15-16-da Antalyada keçiriləcək G20 ölkələrinin liderlərinin sammitində əsas gündəm mövzusu qaçqın böhranı olacaq.
