BAKI, 13 noy – Sputnik. Tailandda 4 nəfərin ölümü, daha 4 nəfərin də yaralanması ilə nəticələnən terror aktı törədilib. Hadisə ölkənin cənubundakı Pattani əyalətində baş verib.
Polisin məlumatına görə, partlayış nəticəsində regionda təhlükəsizliyi təmin edən könüllülər dəstəsinə üzv olan yerli sakinlər xəsarət alıb. Bomba könüllülərin olduğu yol kənarındakı binaya yerləşdirilib.
Hüquq mühafizə orqanları hücuma görə regionda fəaliyyət göstərən separatçıların məsuliyyət daşıdığını iddia edib.
