BAKI, 11 noy – Sputnik. “Türk serialları Latın Amerikası seriallarından daha baxımlıdır”. Bu barədə Fransanın Le Monde qəzeti xəbər verib.
“Latın Amerikası serialları rəqabət baxımdan Türkiyədə çəkilən seriallardan çox geridir” deyə xəbərdə qeyd olunur.
Peruda yaşayan fransalı rejissor Michael Gomez, türk seriallarının dünyada ən baxımlı olduğunu vurğulayıb:
“Seriallar o qədər maraqlı çəkilir ki, bu il mənim ölkəmdə onlarla uşağa Min Bir Gecə serialının baş rol qəhrəmanlarının adları verildi. Məsələn, Şərəf və Şəhrazat”.
“Braziliya, Meksika, Venesuela serialları Bosfor boğazından gələn seriallarla mübarizədə məğlub olur. Minlərlə Perulu hər axşam, "Fatmagülün Günahı Nə?” serialını izləyir” deyə fransalı rejissor əlavə edib.
