BAKI, 8 noy-Sputnik. ABŞ analitikləri hesab edirlər ki, dünyada neftin qiymətlərinin azalmasının davam etməsinə və qiymətin dinamikası ilə bağlı bədbin proqnozlara baxmayaraq, OPEK (Neft İxrac Edən Ölkələr Təşkilatı — OPEC)neftinin hasilatı artmağa davam edəcək.
ABŞ-ın "JP Morgan" bankının analitiklərinin gözləntilərinə əsasən, 2016-cı ildə OPEK neftinin orta hesabla hasilatı sutkada 32,2 milyon barel təşkil edəcək.
Sputnik xəbər verir ki, Trend-in əldə etdiyi məruzədə analitiklər OPEK hasilatının gələcək artımının əsasən İranın əlavə neft həcmləri, İraq və Səudiyyə Ərəbistanında hasilatın artması hesabına təmin ediləcəyini bildirirlər. Bundan başqa, BƏƏ-də hasilatın artması üçün potensial var.
