BAKI, 5 noy – Sputnik. Misir Appelyasiya Məhkəməsi sabiq prezident Hüsnü Mübarəkin işi ilə bağlı prosesi təxirə salıb.
Yerli medianın xəbərinə görə, növbəti məhkəmə iclası 2016-cı il yanvarın 21-ə keçirilib.
Bu il mayın 10-da məhkəmə sabiq dövlət başçısı Hüsnü Mübarəkin və iki oğlunun korrupsiya ittihamı ilə bağlı işinə yenidən baxaraq, onların 3 il müddətinə azadlıqdan məhrum edilməsi haqda qərar çıxarmışdı.
Hüsnü Mübarək və iki oğlu prezident sarayının təmirinə ayrılmış 18 milyon dollara yaxın dövlət əmlakını mənimsəməkdə ittiham olunmuş və barələrində cinayət işi açılmışdı.
