BAKI, 5 noy-Sputnik. İsraildən olan tədqiqatçılar müəyyən ediblər ki, qadınlar işdə daha çox stressə məruz qalır və yorulurlar. Bundan başqa, qadınların əksəriyyətində işini itirmək qorxusu güclü olur. Statistika göstərir ki, qadınlar kişilərlə eyni vəzifələrdə işləsələr də, daha az maaş alırlar.
Sputnik "Cazibe" on-line resursuna istinadən xəbər verir ki, qadınlar kişilərə nisbətən işdən həzz ala bilmirlər. Ancaq indiyədək bunun əksi düşünülürdü.
Sorğuda 27 ölkədən 9000 qadın və 8500 kişi iştirak edib. Əsas diqqət əmək haqqı, iş qrafiki, təhsil, iş yükü, işi itirmə qorxusu, karyerada irəliləyiş perspektivinə yönəldilib.
