BAKI, 2 noy – Sputnik. Birləşmiş Ştatların dövlət katibi Con Kerri Qazaxıstana səfər edib.
Kerrini paytaxt Astanada Qazaxıstan prezidenti Nursultan Nazarbayev qəbul edib.
Nazarbayev bir neçə həftə əvvəl Vaşinqtonda prezident Barak Obama ilə görüşünü xatırladaraq deyib:
"Müstəqillik qazanmağımızın 24 ili tamam olur. Uzun illərdir ki, ölkənizlə əməkdaşlıq edirik. Xalqımız ölkəmizin suverenliyi və iqtisadiyyatımızın inkişafını dəstəklədiyi üçün ABŞ-a təşəkkür edir".
Nursultan Nazarbayev 500 ABŞ şirkətinin ölkəyə sərmayə qoyduğunu da vurğulayıb.
Öz növbəsində Con Kerri, iki ölkə arasındakı əməkdaşlıqdan məmnun olduqlarını bildirib.
