Akkan Suver: Azərbaycanda seçkilər ədalətli keçib

BAKI, 2 noy — Sputnik. Mərmərə qrupu starteji və sosial araşdırmalar vəqfinin sədri Akkan Suver Azərbaycanda keçirilən seçkini və onun nəticələrini dəyərləndirib:
"Azərbaycan gənci və qadını öz səsinə sahib çıxdı. Tam əminliklə deyə bilərəm ki, 1 noyabrda avropa standartlarına uyğun demokratik və ədalətli seçkilər keçirildi. Bu seçkilər hətta avropada, Bolqarıstan və Yunanıstanda keçirilən seçkilərədən daha yüksək səviyyədə təşkil olunmuşdu. Bir çox məqamlarına görə sizdəki seçkiləri Türkiyədəki seçkilərdən də üstün hesab etmək olar".
Qərbin Azərbaycana qarşı basqılarından da danışan Akkan Suver, onların bu addımını qınayaraq, bunun qısqanclıqdan irəli gəldiyini dedi.