BAKI, 30 okt — Sputnik. Azərbaycanda seçki günü bütün seçicilərin, beynəlxalq və yerli müşahidəçilərin təhlükəsizliyi üçün lazımi tədbirlər görülüb. Onların təhlükəsizliyi yüksək səviyyədə təmin olunacaq.
Sputnik-in xəbərinə görə, bu barədə Daxili İşlər Nazirliyinin (DİN) təmsilçisi, polis polkovniki Ehsan Zahidov məlumat verib.
O bildirib ki, polislər seçki günü məntəqələrə yalnız xüsusi formada və ya ictimai asayişi bərpa etmək üçün daxil ola bilərlər: “İctimai asayişi bərpa etdikdən sonra məntəqələri tərk etməlidirlər”.
Ehsan Zahidovun sözlərinə görə, daxili işlər orqanlarının əsas vəzifəsi ictimai asayişə nəzarət etmək, seçicilərə qarşı təzyiq olduğu halda bunun qarşısını almaq və qanundankənar addımlara yol verməməkdən ibarətdir. Polis əməkdaşları həmçinin seçki bülletenlərinin məntəqələrə (seçki prosesindən əvvəl və sonra) eləcə də Mərkəzi Seçki Komissiyasına daşınmasının təhlükəsizliyini təmin edəcəklər. Daxili İşlər Nazirliyi Azərbaycanda seçki günü təhlükəsizliyin və stabilliyin qarantı olacaq”, — deyə Zahidov bildirib.
