BAKI, 21 okt – Sputnik. Suriyadakı vətəndaş müharibəsində 350 mindən artıq insanın ölümündə təqsirləndirilən Bəşər Əsəd dünən gecə qəfildən Moskvaya səfər edib.
Rejim rəhbərinin Rusiyada olduğu xəbərini prezidentin mətbuat katibi Dmtiri Peskov da təsdiqləyib.
Peskovun sözlərinə görə, Bəşər Əsəd Kremldə Rusiya prezidenti Vladimir Putinlə görüşüb.
Görüşdə rus ordusunun Suriyada keçirdiyi əməliyyatların davam etdirilməsi müzakirə olunub.
“Danışıqlarda Rusiyanın yüksək rütbəli hərbçiləri də iştirak edib. Müzakirə olunan mövzu isə hərkəsə bəllidir", deyə o bildirib.
