BAKI, 20 okt — Sputnik. Mərkəzi Bankın maliyyə kapitalı 10 mln manatdan 500 (beş yüz) mln manatadək atrırılır.
Sputnik xəbər verir ki, Milli Məclisin bu gün keçirilən plenar iclasında Mərkəzi Bank haqqında qanuna dəyişiklik müzakirə olundu.
Dəyişiklik əsasən bankın nizamnamə kapitalının artırması ilə bağlıdır. Əgər indiyə kimi Mərkəzi Bankın nizamnamə kapitalının həcmi 10 mln manat idisə, qanunda nəzərdə tutulan dəyişikliyə əsasən bu həcmin 500 mln manata qaldırılması nəzərdə tutulur. Müzakirələrdən sonra Mərkəzi Bankın nizamnamı kapitalının 500 mln həcmində olması barədə sənəd səsə qoyularaq qəbul edildi.
