BAKI, 16 okt — Sputnik. Oktyabrın 20-də Bakıda Azərbaycan-Qazaxıstan iş adamlarının iştirakı ilə biznes-forum keçiriləcək. Bu barədə məlumatı Sputnik-ə Qazaxıstanın Azərbaycandakı səfirliyindən veriblər.
Səfirlikdən bildirilib ki, forumun keçirilməsində əsas məqsəd iki ölkənin iş adamları arasında birgə əməkdaşlığın mümkün imkanlarını, həmçinin qarşılıqlı sərmayə qoyuluşunu müzakirə etməkdir.
Qazaxıstandan gələcək nümayəndə heyətinin tərkibində təhsil, səhiyyə, kənd təsərrüfatı, nəqliyyat və sair sahənin iş adamları olacaq.
