BAKI, 16 okt-Sputnik. Türkmənistan prezidenti Qurbanqulu Berdimuxammedov MDB Dövlət başçıları Şurasının Qazaxıstanda keçirilən növbəti sammitinə qatılmayıb.
Sputnik Qazaxıstan mətbuatına istinadən xəbər verir ki, MDB Dövlət başçıları sammitinə 8 ölkənin prezidenti qatılıb. Sammitdə Azərbaycan, Belarus, Rusiya, Qazaxıstan, Qırğızıstan,Tacikistan, Özbəkistan, Ermənistan prezidentləri qatılıb.
Türkmənistan toplantıya Nazirlət kabinetinin sədri, Moldova isə xarici işlər naziri səviyyəsində qatılıb.
Ukrayna isə müvəqqəti işlər vəkili səviyyəsində toplatıda iştirak edir.
MDB Dövlət Başçıları Şurasının növbəti sammiti bu gün Qazaxstanda keçiriləcək.
