BAKI, 12 okt – Sputnik. Türkiyə Hərbi Hava Qüvvələrinin ölkənin cənub şərqində və İraqın şimalında apardığı əməliyyatlarda 17 PKK terrorçusu öldürülüb. Terror təşkilatına məxsus üç mağara, bir silah-sursat anbarı da məhv edilib.
Bu haqda Türkiyə Silahlı Qüvvələrinin Baş Qərargahından məlumat yayılıb.
Hakkari vilayətində keçirilən antiterror əməliyyatı zamanı bir ədəd "RPG-7" silahı, onun 7 ədəd sursatı, 900 ədəd 12,7 mm çaplı patron, 409 ədəd mərmi, 242 ədəd "Kalaşnikov" avtomatı, xeyli sayda partlayıcı maddə, terrorçulara aid sənəd və bir çox vacib ləvazimatlar ələ keçirilib.
