BAKI, 12 okt – Sputnik. İsrail ordusunun hücumunda daha bir fələstinli uşaq ölüb. Hadisə İordan çayının qərb sahilində baş verib.
Dünən gecə Qəzzaya təşkil edilən hava hücumunda hamilə qadınla 3 yaşlı körpəsini öldürən İsrail əsgərləri bu dəfə 13 yaşlı yeniyetməni baş nahiyəsindən silahla vurublar.
Bundan başqa yaranan qarşıdurmalarda 36 fələstinli də yaralanıb.
Qüdsün yəhudilər yaşayan bölgəsində 4 nəfəri yaralamaqda təqsirləndirilən filistinlilər həbs olunub. İsrail parlamenti Knesset yəhudilərin avtomobillərinə daş atan fələstinlilərə 4 il həbs cəzası verilməsi ilə bağlı qərar qəbul edib.
Fələstinin işğal altında olan torpaqlarında davam edən qarşıdurmalar İsrailin, yəhudilərə Əl Əqsa məscidinə girişinə icazə verməsi ilə başlamışdı. Son 12 gün ərzində baş verən hadisələrdə 8-i uşaq olmaqla 24 fələstinli dünyasını dəyişib.
