BAKI, 12 okt-Sputnik. Daxili işlər orqanlarında bir neçə yerdəyişmə olub.
Sputnik APA-ya istinadən xəbər verir ki, bu barədə daxili işlər naziri, general-polkovnik Ramil Usubov müvafiq əmr imzalayıb. Əmrə əsasən Sabunçu rayon Polis İdarəsinin 14-cü Polis Bölməsinin rəisi Zaur Bədəlov tutduğu vəzifədən azad edilərək Səbail rayon Polis İdarəsinin 41-ci Polis Bölməsinin rəisi vəzifəsinə təyinat alıb.
Nazirin digər əmri ilə Xətai Rayon Polis İdarəsinin 34-cü Polis Bölməsinin rəisi Zaur Məmmədov tutduğu vəzifədən azad edilərək 14-cü Polis Bölməsinin rəisi vəzifəsinə təyin olub.
Zaur Bədəlov Nardaran hadisələrinin, eyni zamanda həmin qəsəbədə baş verən bir sıra cinayətlərin yatırılmasında iştirak edib, güllə yaraları alıb.
