BAKI, 9 okt – Sputnik. Türkiyə prezidenti Rəcəb Tayyib Ərdoğan Yaponiya səfərində sürprizlə qarşılanıb. Bu ölkənin baş naziri Sindzo Abe ilə görüşən Ərdoğan aldığı hədiyyə qarşısında duyğulanıb.
Şinzo Abe, atasının baş nazir olduğu dövrdə, Türkiyənin mərhum baş naziri Adnan Menderesin Yaponiya ziyarətinə aid portreti Ərdoğana hədiyyə edib.
Tokiodakı hökumət binasında Ərdoğanın şərəfinə verilən rəsmi axşam yeməyində Türk-Yapon dostluğunun sarsılmaz olduğu vurğulanıb. Ərdoğan ona təqdim edilən mənalı portretə görə Sindzo Abeyə öz təşəkkürünü bildirib.
Adnan Menderes 1950-ci ildə Türkiyənin baş naziri seçilmiş, 1960-cı ildə hərbi çevrilişlə devrilərək edam olunmuşdu. O, ölkə tarixində bir neçə ciddi islahatlara da imza ataraq xalqdan ciddi dəstək ala bilmişdi. 1932-ci ildə qadağan edilən ərəbcə azanın yenidən bərpa olunmasında da Adnan Menderesin böyük səyləri olmuşdu.
