08:17 24 Yanvar 2021
Canlı yayım
  • USD1.7000
  • RUB0.0230
  • EUR2.0695
DÜNYA
Qısa URL
Yeni tip koronavirus pandemiyası (586)
4510

Səhiyyə nazirinin sözlərinə görə, Çinin peyvənd istehsal edən "Sinovac" şirkəti ilə danışıqlar başa çatıb və ilkin mərhələdə 10 milyon doza peyvənd sifariş edilərək gətirilir

BAKI, 23 noyabr — Sputnik. Türkiyədə vətəndaşların yeni növ koronavirus (COVID-19) infeksiyasına qarşı peyvəndlənməsi pulsuz olacaq. Sputnik Azərbaycan "Hürriyət" qəzetinə istinadən xəbər verir ki, bu barədə Türkiyənin səhiyyə naziri Fəxrəddin Qoca bildirib. Onun sözlərinə görə, Çinin peyvənd istehsal edən "Sinovac" şirkəti ilə danışıqlar başa çatıb və ilkin mərhələdə 10 milyon doza peyvənd sifariş edilərək gətirilir.

Nazir bildirib ki, ilkin olaraq tibb işçiləri, daha sonra isə xroniki xəstəlikləri olan və digər risk qrupundakı şəxslər peyvənd olunacaqlar. F.Qoca Türkiyədə yerli peyvəndin sınaqlarının uğurlu olduğunu da vurğulayıb. O qeyd edib ki, koronavirusla mübarizə çərçivəsində xəstələr üçün "Favipiravir" dərman vasitəsi daha effektivdir. Nazir əlavə edib ki, "Favipiravir" dərman vasitəsinin Türkiyədə istehsalı üçün 4 firmaya icazə verilib. "Xüsusilə vətəndaşlar tibbi maskadan istifadə edib, sosial məsafəni gözləsələr, habelə mümkün olduqca evdə qalıb, ehtiyac olmadığı təqdirdə kütləvi yerlərə getməsələr, küçəyə çıxmaqla bağlı uzunmüddətli məhdudiyyətlərə gedilməyəcək", - deyə F. Qoca vurğulayıb.

Nazir koronavirusa qarşı yerli peyvəndlə bağlı nəticələrin qənaətbəxş olduğunu, son nəticənin 2021-ci ildə alınmasının mümkün olduğunu söyləyib. F. Qoca Türkiyədə koronavirusa yoluxanların müalicəsi üçün xəstəxanada yer çatışmazlığı ilə bağlı təlaşlanmağa ehtiyac olmadığını da söyləyib.

Mövzu:
Yeni tip koronavirus pandemiyası (586)
Teqlər:
pulsuz, peyvənd, Türkiyə, Koronavirus, epidemiya, COVID-19

Əsas mövzular