BAKI, 30 avqust — Sputnik. Şotlandiyada hərracda satılan qoç qiyməti ilə rekord qırıb. Ona görə yeni sahibi 367.5 min funt-sterlinq, yəni 490.6 min dollar pul ödəyib.
Sputnik Azərbaycan bildirir ki, bu barədə The Independent yazıb.
Qəzetin məlumatına görə, İkiqat Brilyant (Double Diamond) ləqəbli qoç teksel cinsindəndir, ondan əsasən damazlıq kimi istifadə olunur. Qeyd olunur ki, bu cinsdən olan qoyunlar yüksək keyfiyyətli əti ilə seçilir.
The world's most expensive sheep has just been purchased for $490,000. His name is Double Diamond, a Texel sheep, and will be shared between three Scottish farms. https://t.co/uniU7q0Qbz pic.twitter.com/dAI5VgIIjh
— Alexandra Halaby (@iskandrah) August 30, 2020
Bundan əvvəlki rekord da elə Şotlandiyada qeydə alınıb: 2009-cu ildə bir qoyun 231 min funta satılıb.
