BAKI, 23 fevral — Sputnik. ABŞ-ın Kaliforniya ştatında "yastı dünya" nəzəriyyəsinin tərəfdarı olan Mayk Hyuz əldəqayırma raketdə həlak olub.
Sputnik Azərbaycan bildirir ki, bu barədə TMZ yazıb. Hadisənin videosunu sosial şəbəkədə jurnalist Castin Çepman paylaşıb.
Uçan aparatın yerəenmə paraşütü düzgün işləməyib. Sistem özbaşına raketdən ayrılıb. Adam isə yerə çırpılaraq həlak olub.
Mad Mike Hughes just launched himself in a self-made steam-powered rocket and crash landed. Very likely did not survive. #MadMike #MadMikeHughes pic.twitter.com/svtviTEi8f
— Justin Chapman (@justindchapman) February 22, 2020
Hyuz analoji uçuşu 2018-ci ildə gerçəkləşdirmişdi. O zaman Hyuz yerdən 520 m yüksəkliyə qalxa bilmiş, ancaq enərkən kürəyini zədələmişdi.
64 yaşlı Hyuz limuzin sürücüsü işləyirdi. O, YouTube-da Yer kürəsinin əslində yastı olduğu iddiası ilə məşhurlaşmışdı. Hyuz bu nəzəriyyəni sübut eləmək üçün özü raketlər hazırlayırdı.
