BAKI, 4 oktyabr — Sputnik. Almaniya Xarici İşlər naziri Hayko Maas Avropa İttifaqının Birləşmiş Ştatlara cavab olaraq gömrük rüsumlarının tətbiq etməsini təklif edib. Bu barədə Sputnik Azərbaycan Rusiya KİV-nə istinadən xəbər verir.
Qeyd edək ki, daha əvvəl Birləşmiş Ştatlar Ümumdünya Ticarət Təşkilatının (ÜTT) qərarından sonra Avropa İttifaqı istehsalı olan təyyarələrə 10%, kənd təsərrüfatı və sənaye məhsullarına 25% məbləğində gömrük rüsumları tətbiq edib.
Almaniya XİN rəhbərinin sözlərinə görə, Aİ buna reaksiya verməli və ÜTT-nin razılığı ilə öz rüsumlarını tətbiq etməlidir.
O, eyni zamanda ABŞ-ın Avropa İttifaqının qarşılıqlı səmərəli qərar qəbul etmək barədə təklifini rədd etməsini də tənqid edib.
