BAKI, 8 iyun — Sputnik. Birləşmiş Ştatlar Prezidenti Donald Tramp bəyan edib ki, ölkəsi Meksika ilə razılaşma əldə edib. Sputnik Azərbaycan xəbər verir ki, bunu Tramp öz "Twitter" səhifəsində qeyd edib.
Trampın sözlərinə görə, Meksika Birləşmiş Ştatlarla sərhəddə nəzarətin gücləndirilməsinə razılaşıb ki, bu da qeyri-qanuni immiqrasiya ilə mübarizəyə kömək edəcək.
"Mən ABŞ-ın Meksika ilə razılığa gəldiyini xəbər verməyə şadam" - deyə Tramp vurğulayıb.
I am pleased to inform you that The United States of America has reached a signed agreement with Mexico. The Tariffs scheduled to be implemented by the U.S. on Monday, against Mexico, are hereby indefinitely suspended. Mexico, in turn, has agreed to take strong measures to....
— Donald J. Trump (@realDonaldTrump) 8 июня 2019 г.
O, həmçinin qeyd edib ki, Meksika mallarına tətbiq olunan gömrük rüsumu qeyri-müəyyən müddətə təxirə salınıb.
Qeyd edək ki, daha əvvəl Tramp bəyan etmişdi ki, əgər ABŞ və Meksika gömrük və miqrantlar məsələsində iyunun 6-ına qədər razılığa gələ bilməsə, onda iyunun 10-dan Vaşinqton Meksika mallarına 5%-lik gömrük rüsumları tətbiq edəcək.
