BAKI, 4 yanvar — Sputnik. Küveytdə dünyada ən uzun avtomobil körpüsünü istifadəyə verməyi planlaşdırırlar.
Sputnik Azərbaycan xarici mətbuata istinadla xəbər verir ki, dünyanın ən uzun körpüsü olacaq 48,5 kilometr uzunluğunda olan körpünün tikintisi 2019-cu ildə başa çatacaq.
Bu barədə "Arabian Business" nəşrində məlumat verilib.
Məlumata görə, Şeyx Cabir adını daşıyacaq körpünün tikilməsi üçün Koreyanın Hyundai şirkəti ilə 2,6 milyard dollarlıq müqavilə imzalanıb. Tikinti 6 il çəkib və bu ilin aprel ayında bitəcək.
Körpü iki hissədənn - 36,1 və 12,4 kilometrdən ibarət olacaq.
Körpü paytaxt Əl-Küveyt aqlomerasiyasını əks sahildə Küveyt buxtası ilə birləşdirəcək.
Hazırda dünyada ən uzun körpü Çinin şərqində Tsindao şəhərində yerləşir. Onun uzunluğu 42 kilometrdir.
