05:34 13 Noyabr 2018
Canlı yayım
  • USD1.7000
  • RUB0.0252
  • EUR1.9245
ABŞ prezidenti Donald Tramp, arxiv şəkli

Tramp gözlənilən görüşdən danışdı: "Ölkəni tərk edə bilmərəm"

© REUTERS / Kevin Lamarque
DÜNYA
Qısa URL
61 0 0

Ağ Ev rəhbərinin sözlərinə görə, o, Kim Çen Inla noyabrın 6-dan sonra görüşəcək

BAKI, 10 oktyabr — Sputnik. ABŞ prezidenti Donald Tramp bəyan edib ki, onun Şimali Koreya lideri Kim Çen Inla görüşü ABŞ Konqresinə keçirilən seçkilərdən sonra baş tutacaq. Bu barədə Sputnik Azərbaycan "Reuters"-ə istinadən xəbər verir.

Ağ Ev rəhbərinin sözlərinə görə, o, Kim Çen Inla noyabrın 6-dan sonra görüşəcək. Tramp, həmçinin əlavə edib ki, hazırda ABŞ-ı tərk edə bilməz.

Qeyd edək ki, ötən həftə sonu ABŞ dövlət katibi Mayk Pompeo və Şimali Koreya lideri Kim Çen In görüşərək bir sıra ikitərəfli məsələləri müzakirə ediblər. Tərəflər görüşü zamanı iki ölkə arasında yeni sammitin keçirilməsini də müzakirə ediblər.

"Pompeo Kim Çen Inla nahar edib, tərəflər növbəti ABŞ — Şimali Koreya sammitinin keçirilməsi barədə razılığa gəliblər" — deyə məlumatda bildirilir.

ABŞ dövlət katibi və Kim Çen In, həmçinin Yonbendə nüvə obyektinin demontajını, o cümlədən müharibənin bitməsi haqqında bəyannamənin qəbulu məsələlərini də müzakirə ediblər.

Qeyd edək ki, bu ilin iyunun 12-də Sinqapurda ABŞ Prezidenti Donald Tramp ilə KXDR lideri Kim Çen In arasında görüş keçirilib. Sinqapurun Sentosa adasındakı "Kapella" mehmanxanasında başlayan görüşdən əvvəl hər iki lider ABŞ və Şimali Koreya bayraqlarının qarşısında bir-birlərinin əlini sıxdıqdan sonra bərabər olaraq təkbətək görüşün keçiriləcəyi otağa keçiblər.

Помпео и Ким Чен Ын
© Foto : KCNA via REUTERS

Görüşdən sonra hər iki lider mətbuat nümayəndələrinə qısa açıqlamalar verib. Donald Tramp çox əhəmiyyətli bir görüş keçirdiklərini söyləyib. Kim Çen In isə "Buraya gəlmək asan olmadı. Maneələr vardı, ancaq bunları aşaraq buraya gəlmişik" — deyə bildirib.

Təkbətək görüşdən sonra danışıqlar geniş tərkibdə davam etdirilib. Daha sonra liderlər Sinqapurda keçirilən görüşün yekunlarına dair sənəd imzalayıblar.

Tramp imzalanmadan sonra bildirib ki, bu, hərtərəfli əməkdaşlığa dair sənəddir: "Biz Koreya yarımadasının nüvəsizləşdirilməsinə doğru sürətli addımlayırıq. Dünya ilə Şimali Koreya arasında münasibətlər bu sənədin imzalanmasından sonra tam dəyişəcək. Biz dünya üçün çox böyük və çox təhlükəli problemin həllinə çalışacağıq".

Şimali Koreya liderini Ağ Evə dəvət edən Tramp Sinqapurda baş verənlərdən qürur duyduqlarını dilə gətirib. O, Kim Çen Inla bundan sonra da görüşlər keçirəcəyini bildirib.

KXDR lideri isə dünyanın mühüm dəyişikliklərin şahidi olacağını deyib.

Əlaqədar

Donald Tramp bir il ərzində xeyli kasıblayıb
Putindən Trampa qarşı gözlənilməz ittiham
"Bizsiz rejiminiz iki həftəyə çökər" – Trampdan müsəlman ölkəsinə sərt xəbərdarlıq
Putin Trampı geridə qoydu, Merkel isə favoritdir
Donald Trampdan spirtli içki etirafı: "Təsəvvür edin ki..."
Teqlər:
Mayk Pompeo, Kim Çen In, Donald Tramp, Şimali Koreya, ABŞ, görüş, prezident

Əsas mövzular