Kəskin hava şəraiti ilə bağlı qış rejiminə keçildi - rəsmi qərar

© Sputnik / MIROSLAV ROTARIİstilik sistemi
İstilik sistemi - Sputnik Azərbaycan
Abunə olmaq
Şəhər sakinlərinə mərkəzləşdirilmiş istilik sisteminin qış rejiminə qoşulması barədə xəbərdarlıq edilib

BAKI, 24 aprel — Sputnik. Moldovanın paytaxtı Kişinyovun sakinlərinə mərkəzləşdirilmiş istilik sisteminin qış rejiminə qoşulması barədə xəbərdarlıq edilib. Pis hava şərtləri və temperaturun ciddi surətdə aşağı düşməsi ilə əlaqədar olaraq Kişinyov bələdiyyəsi mərkəzi istlik sistemini yenidən qoşmağa başlayıb.

Qubada qar - Sputnik Azərbaycan
CƏMİYYƏT
İsti geyimlərinizi şkafdan çıxarın: qar yağacaq

Sputnik Moldova-nın xəbərinə görə, bu barədə paytaxtın baş istilik təchizatçısı olan "Termoelectrica" səhmdar cəmyyətindən məlumat verilib. Qurumun mətbuat xidmətindən bildiriblər ki, hazırda şəhərdəki 100-dən çox yaşayış binasına, 83 uşaq bağçasına, 8 xəstəxanaya və 6 tibb məntəqəsinə, 9 iqtisadi quruma, 4 özəl binaya istilik verilib.

"Termoelectrica" SC bir daha dəqiqləşdirir ki, istilik enerjisini yaşayış binaları ilə yanaşı özəl binalara, iqtisadi agentliklərə və büdcə təşkilatlarına — uşaq bağçalarına, xəstəxanalara və təhsil müəssisələrinə verməyə hazırdır" — deyə qurumdan bildiriblər.

"Termoelectrica" mobil mütəxəssis qrupları istilik sistemlərini qoşmaq məqsədlə şəhərdə fəaliyyətə başlayıblar. "İstilik sisteminə qoşulmaq istəyən hər kəs evlərin administratorlarına müraciət edə bilər" — deyə istilik enerjisi ötürücüsünün rəhbəri Vyaçeslav Yeni bildirib.

Xatırladaq ki, yaz rejiminə keçidlə əlaqədar olaraq Moldovada aprelin 15-dən istilik təchizatı dayandırılmışdı. Amma sərt qışın qayıdışı hökuməti zəruri tədbirlər görməyə, istilik nəqlini bərpa etməyə məcbur edib.

Azərbaycanda da havaların soyuması evlərdə qızdırıcıların işə salınmasına rəvac verib. Əməkdaşlarımızın müraciət etdiyi şəhər və rayon sakinlərinin əksəriyyəti havanın soyuması ilə əlaqədar olaraq evdə qaz və elekrtik sobalarından, kondisionerlərin qızdırıcı funksiyasından istifadə etdiklərini bildiriblər.

Xəbər lenti
0