10:43 20 İyul 2018
Canlı yayım
  • RUB0.0267
  • USD1.7000
  • EUR1.9828
Abdeslam Salah - Parisdə terror aktı törədən üç qardaşdan biri

Polis Parisi partladıb Belçikaya qaçan terrorçunun izinə düşüb

walesonline
DÜNYA
Qısa URL
910

Fransa polisi Parisdə baş vermiş terror aktlarının təşkilatçısının izinə düşdüyünü bəyan edib və onun şəklini yayıb.

BAKI, 16 noy — Sputnik. Fransa polisi Parisdə baş vermiş terror aktlarının təşkilatçısının izinə düşdüyünü bəyan edib və onun şəklini yayıb.

Bildirilir ki, terror aktında iştirak edən 3 qardaşdan biri Montröydə içərisində "Kalaşnikov" avtomatları tapılan maşını kirayə götürüb və Volter küçəsində barda partlayış törədib, digəri Belçikada saxlanılıb. Üçüncü qardaş Abdeslam Salah isə ya qaçıb, ya da öldürülüb.

Terror aktlarının təşkilatçısı olduğu bildirilən Abdeslam Salahın həmin gün axşam Fransa-Belçika sərhədini keçdiyi qeydə alınıb. Polis Fransa və Belçika vətəndaşlığı olan Abdeslam Salahın çox təhlükəli olduğunu bildirir. Onun İŞİD-lə əlaqəsi olduğu vurğulanır.

Qeyd olunur ki, Abdesalm Salah terror aktı axşamı Fransadan Belçikaya getmək üçün 2 belçikalı dostu ilə əlaqə yaradıb. Onun dostları artıq Belçika polisi tərəfindən saxlanılıb.

Fransa vətəndaşları olan 3 kamikadzenin kimliyi də müəyyənləşdirilib: 29 yaşlı kamikadze Omar İsmail Mostefai Bataklanda, 20 yaşlı kamikadze Bilal Hadfi Fransa stadionu yaxınlığında, 31 yaşlı kamikadze İbrahim Abdeslam Volter prospektində partlayışlar törədiblər.

Əsas mövzular