“Azerbaijan Woman Awards” ölkəmizdə müxtəlif sahələrdə uğur qazanmış qadınları fərqləndirmək məqsədi ilə təsis edilib.
Builki təqdimat mərasimində layihənin rəsmi tərəfdaşlarından biri kimi Sputnik Azərbaycan da “Cəsur qadın” nominasiyasında təsis etdiyi xüsusi mükafatını təqdim edib. Həmin mükafata Azərbaycan Silahlı Qüvvələrin hərbi tibb qulluqçusu, İkinci Qarabağ müharibəsində həlak olmuş yeganə qadın şəhidimiz Arəstə Baxışova layiq görülüb.
Mərasimdə Sputnik Azərbaycan-ın rəhbəri Əziz Əliyev mükafatı Arəstə Baxışovanın anasına təqdim edib.
