“Azərbaycanda keçirdiyim ilk axşama hələ də xatırlayıram” – deyə qonağımız söhbətə başlayır. Bir il qabaq ilk dəfə ölkəmizə təşrif buyuran Lambros ilk dəfədən nəzərinin Alov Qüllələrinə sataşdığını və orada qalmaq arzusunda olduğunu deyib. Keçən dəfə nəsib olmasa da, bu il qonağımızın arzusu çin olub.
Bakının avropalıları olduqca təəccübləndirən keyfiyyətlərindən birinin multukulturalizm olduğunu deyən Lambros, müxtəlif dinlərdən olan insanların bir-birləri ilə dost olmalarını da yunanlar üçün maraqlı olduğunu qeyd edib.
Bakının göz bəbəyi olan İçərişəhəri isə təkcə Afinaya deyil, həm də İstanbula, İzmirə və Nikosiyaya oxşadıb. Bizim hətta kabab çəkmək üsulumuz da eyniymiş. Müxtəlif post-sovet ölkələrində kababın dadına baxan Lambros, əminliklə deyir ki, ən dadlı kababı məhz Bakıda yeyib.
