06:31 16 Fevral 2019
Canlı yayım
  • USD1.7000
  • RUB0.0255
  • EUR1.9187
Dövlət qulluqçusu

Diqqət: Adınızın məlumat bazasında "qara siyahı"ya düşməsini istəmirsinizsə, tələsin

CC0 / Free-Photos / Documents
ELM
Qısa URL
121010

Namizədlərlə müsahibələrin keçirilməsi martın 16-dək davam edəcək

BAKI, 1 mart — Sputnik. Dövlət İmtahan Mərkəzi (DİM) yanvarın 11-də elan etdiyi dövlət qulluğuna qəbul üçün müsabiqənin müsahibə mərhələsi üzrə qeydiyyatdan keçən namizədlərlə müsahibələri davam etdirir. Bu barədə Sputnik Azərbaycan-a DİM-in mətbuat xidmətindən məlumat verilib.

Bildirilib ki, müsahibələr ötən gün Bakı şəhəri, həmçinin Gəncə, Lənkəran, Bərdə regional bölmələri, Mingəçevir, Quba regional "ASAN" xidmət mərkəzi daxil olmaqla 15 müxtəlif yerdə təşkil edilib. Gün ərzində keçirilməsi nəzərdə tutulan 114 müsahibədən 59-u baş tutub, 55 namizədlə müsahibə isə onların gəlməməsi səbəbindən baş tutmayıb. Müsahibədə iştirak edən namizədlərdən 23-ü iddia etdiyi vəzifəyə uyğun hesab edilib.

Müsahibələrin təşkili və keçirilməsi üçün DİM və dövlət orqanları tərəfindən kifayət qədər vəsait və resurs sərf olunur. Xüsusilə nəzərə almaq lazımdır ki, müsahibələr ilk dəfə olaraq regionlarda da keçirilir və bu məqsədlə DİM və dövlət orqanlarının nümayəndələri bu bölgələrə ezam olunurlar.

DİM namizədlərin diqqətinə çatdırır ki, onların müsahibədə iştirak etməmələri üzrlü hal kimi qəbul edilmir, namizədlərin məsuliyyətsizliyi kimi xarakterizə edilir və belə hallar DİM-in məlumat bazasında qeydiyyata alınır.

Müsahibələrdə iştirak etmək istəməyən namizədlər müsahibə tarixinə 1 gün qalmış, səhər saat 10:00-dək müraciətlərini buradan ləğv etməlidirlər. Namizədlərlə müsahibələrin keçirilməsi martın 16-dək davam edəcək.

Əlaqədar

Bazar günü imtahan verəcək şagirdlərin sayı açıqlandı
Tələbələrin diqqətinə: İmtahanın nəticələri elan olundu
Buraxılış imtahanlarının vaxtı açıqlandı
Magistraturaya qəbul imtahanı keçirilir
Teqlər:
dövlət qulluğuna qəbul, DİM, müsahibə, Dövlət İmtahan Mərkəzi, region, müsabiqə

Əsas mövzular