Ramil Osmanlı: “Sosial evlərə sahib olmaq bütün vətəndaşların imkanlarına uyğun deyil”
Azərbaycan Respublikasının Prezidenti yanında Mənzil İnşaatı Dövlət Agentliyinin birinci layihəsi olan Yasamal Yaşayış Kompleksinin ilk mənzillərinin gələn ilin yay aylarında vətəndaşlara təqdim olunması planlaşdırılır.
Əmlak məsələləri üzrə ekspert Ramil Osmanlı Sputnik Azərbaycan-a deyir ki, güzəştli mənzil layihələrinin tətbiq olunmasının iqtisadi və sosial tərəfləri var:
“Amma təəssüf ki, bəzi məqamlarda orta statistik Azərbaycan vətəndaşı bu mənzilləri əldə edə bilmir. Ona görə də demək olmaz ki, güzəştli mənzil şərtləri bütün vətəndaşların imkanlarına uyğundur. İnanırıq ki, bir neçə il sonra ipoteka şərtləri ondan yararlanmaq istəyən hər kəs üçün əlverişli olacaq”.