Elman Rüstəmov: “Biz ilin axırına kimi manatın məzənnəsi üçün heç bir əhəmiyyətli risk görmürük”
“Bugünkü iqtisadi fundamentallar çərçivəsində biz ilin axırına kimi manatın məzənnəsi üçün heç bir əhəmiyyətli risk görmürük”. Sputnik Azərbaycan xəbər verir ki, bunu Azərbaycan Mərkəzi Bankının (AMB) İdarə Heyətinin sədri Elman Rüstəmov bildirib.
“Biz aparılan siyasətin, maliyyə sabitliyi şurası tərəfindən qəbul edilən makro-iqtisadi çərçivənin ilkin nəticələrini görürük. Bazar iştirakçılarını perspektivlər düşündürür. Burada heç bir vəd vermək lazım deyil. Bugünkü iqtisadi fundamentallar çərçivəsində cari ilin — büdcə ilinin sonuna qədər manatın məzənnəsinin möhkəmlənmə riskləri, onun ucuzlaşma risklərindən daha böyükdür” – deyə o bildirib.
