BAKI, 16 iyul - Sputnik. Azad edilmiş ərazilərdə, o cümlədən Ermənistan-Azərbaycan dövlət sərhədində son vaxtlar gərginliyin artırılmasına görə məsuliyyət Ermənistanın üzərinə düşür.
Sputnik Azərbaycan-ın məlumatına görə, bunu Azərbaycan Respublikasının Müdafiə naziri general-polkovnik Zakir Həsənov İtaliya Respublikasının ölkəmizdə yeni təyin olunmuş fövqəladə və səlahiyyətli səfiri Klaudio Taffuri ilə görüşündə bildirib.
Səfiri ölkəmizdə diplomatik fəaliyyətə başlaması münasibətilə təbrik edən nazir ona Azərbaycan ilə İtaliya arasında hərbi əməkdaşlığın genişləndirilməsi istiqamətində uğurlar arzulayıb.
Ölkəmizdə səfir kimi fəaliyyətə başlamasından məmnunluğunu ifadə edən diplomat Azərbaycan-İtaliya əlaqələrinin, xüsusilə hərbi sahədə əməkdaşlığın inkişafı üçün səylərini əsirgəməyəcəyini deyib.
Görüşdə hər iki ölkənin orduları arasında, eləcə də NATO proqramları çərçivəsində hərbi sahədə əməkdaşlığın mövcud vəziyyəti və inkişaf perspektivləri müzakirə olunub, regional təhlükəsizlik məsələlərinə dair fikir mübadiləsi aparılıb.
Sərhəddə və işğaldan azad edilmiş ərazilərdə gərginlik
Xatırladaq ki, müntəzəm olaraq iki ölkənin sərhədindən təlaşlı xəbərlər alırıq. Bu il mayın 12-dən etibarən Azərbaycanın ərazi bütövlüyü çərçivəsində həyata keçirilən sərhəd mühafizə sisteminin gücləndirilməsi tədbirlərini qarşı tərəf Zəngəzur ərazisinin, xüsusilə Qaragöl ətrafının qəsbi kimi qələmə verməyə çalışıb. Ermənistan KTMT-yə müraciət etsə də, təşkilatdan ona hərbi əməliyyatlara əl atmamaq tövsiyə edilib.
Həmin vaxtdan müntəzəm olaraq Naxçıvan, Kəlbəcər, Şuşa, Ağdam, Tovuz və Şuşada yerləşən mövqelərimiz Ermənistan Ordusunun bölmələri və Qarabağdakı qanunsuz erməni silahlı birləşmələri tərəfinfən atəşə tutulur.
Eləcə də oxuyun:
- Kəlbəcər Ermənistan ərazisindən atəşə tutulub, cavab atəşi ilə susdurulub
-
Ermənistan Naxçıvanı atəşə tutub, Azərbaycan cavab atəşi açıb
