03:30 14 Noyabr 2018
Canlı yayım
  • USD1.7000
  • RUB0.0251
  • EUR1.9117
Almaniya kansleri Angela Merkel

Angela Merkel Cənubi Qafqaza gəlir

© Sputnik / Aleksey Vitvitsky
SİYASƏT
Qısa URL
15810

Angela Merkel Bakıya səfəri zamanı Azərbaycan qazının Türkiyədən keçməklə Avropaya nəqlini nəzərdə tutan Cənub Qaz Dəhlizinin inkişaf etdirilməsi danışıqların gündəliyində duracaq

BAKI, 23 avqust — Sputnik. Bu gün Almaniya kansleri Angela Merkelin Cənubi Qafqaz regionuna üç günlük səfəri başlayır.

Sputnik Azərbaycan xəbər verir ki, o, Gürcüstan, Azərbaycan və Ermənistana səfər edəcək və bu ölkələrin rəhbərlikləri ilə danışıqlar aparacaq.

Almaniya hökumətindəki mənbələrin məlumatına görə, rəsmi Berlin regionun siyasi və iqtisadi inkişafında maraqlıdır.

"Reuters"in xəbərinə görə, Angela Merkel Bakıya səfəri zamanı Azərbaycan qazının Türkiyədən keçməklə Avropaya nəqlini nəzərdə tutan Cənub Qaz Dəhlizinin inkişaf etdirilməsi danışıqların gündəliyində duracaq.

Bildirilir ki, Almaniya öz qaz mənbələrini şaxələndirmək məqsədi ilə bu qaz marşrutunda maraqlıdır.

"Biz Cənub Qaz Dəhlizinin daha da inkişaf etdirilməsində son dərəcə maraqlıyıq. Bu, Avropa İttifaqının təkcə Rusiyadan deyil, müxtəlif regionlardan Avropaya qaz tədarükünü təmin etmək üçün şaxələndirmə strategiyasının bir hissəsidir", — deyə agentlik alman məmurun sözlərini sitat gətirib.

Teqlər:
danışıqlar, səfər, Cənubi Qafqaz, Almaniya kansleri, Angela Merkel

Əsas mövzular