06:17 13 May 2021
Canlı yayım
  • USD1.7000
  • EUR2.0681
  • RUB0.0230
© Sputnik / Rashad Keremoglu
İsmayıllının Lahıc qəsəbəsində turistlər.

Sputnik Azərbaycan-ın bugünkü fotolenti sizi ölkəmizin özünməxsus təbiətə və relyefə malik guşələrindən birinə aparacaq.

İsmayıllının Lahıc qəsəbəsində misgərlik sənəti qədimdən bu günə kimi qorunub saxlanılır. 

Lahıcın kücələrini dolaşdıqca, misgərlik emalatxanaları və buradan eşidilən çəkic sədaları bura üz tutan insanlara xüsüsi zövq verir. Burada ustalar qədim əl işlərini daim araşdırır, onların bəzənməsində istifadə olunan milli ornamentləri müəyyənləşdirib, hazırladığı işlərdə istifadə edir. 

Misgərlərin hazırladığı dolça, sərnic, güyüm, aşsüzən, çıraq və digər məmulatlar Orta Asiyada, Dağıstanda, Gürcüstanda, İranda, Türkiyədə və digər yerlərdə şöhrət qazanıb. 

Azərbaycanın şimalında, Böyük Qafqaz dağlarının cənub yamacında, dəniz səviyyəsindən 1505 metr hündürlükdə yerləşən Lahıcda 18-19-cu əsrlərdən misgərlik sənəti həmişə hörmətli olub. Lahıcda yaşayıb yaradan misgərlərin, zərgərlərin, sərracların düzətdikləri maddi mədəniyyət nümunələri hazırda dünyanın ən məşhur muzey və kolleksiyalarını bəzəyir. 

Digər fotolentlər

Əsas mövzular