https://sputnik.az/20210922/Paytaxt-mktbind-ilk-zeng-427988617.html

Paytaxt məktəbində ilk zəng - REPORTAJ

Paytaxt məktəbində ilk zəng - REPORTAJ

Sputnik Azərbaycan

Məktəbəqədər təhsilin sayəsində bu körpə əllər artıq qələm tutmağı bacarır. Valideynlər isə onların sinif rəhbərlərinin sayəsində gələcəyin peşəkar mütəxəssisi... 22.09.2021, Sputnik Azərbaycan

2021-09-22T15:32+0400

2021-09-22T15:32+0400

2021-11-17T00:05+0400

xəbərlər

cəmiyyət

elm

məktəb

zəng

azərbaycan

https://cdnn1.img.sputnik.az/img/07e5/09/16/427987077_0:0:3072:1728_1920x0_80_0_0_7611d2a3090631aaa42fa2488edcb3f1.jpg

BAKI, 22 sentyabr — Sputnik. İlk dərs günü ən həyəcanlı, əvəzolunmaz günlərdən biri kimi xatirəmizdə silinməz izlər buraxır. Cərgəyə düzüldüyümüz günlər, "2" aldığımız günlərimiz vardı... Kimisi partaları yazırdı, kimisi əlindəki kağızı yumrulayaraq bir başqasına atırdı. Müəllimlərin səbri tarıma çəkilsə də, bu anlar hər bir məktəbli üçün əvəzolunmaz idi. Səs-küy salıb dərsi pozan kim, tənəffüs vaxtı qaçdı-tutdu oynayan kim...Bu gün 2021-2022-ci tədris ilinin ilk dərs günüdür. Xatirələrə yenidən qayıtmaq, özümüzü o illərdəki kimi qayğısız, bir qədər də olsa, uşaq kimi hiss etmək üçün Sputnik Azərbaycan paytaxtın təhsil nəticələrinə görə seçilən məktəblərindən birinə - 220 nömrəli məktəb-liseyə üz tutub.Pandemiya qaydalarına riayət edilməklə məktəb həyətində körpələrin izdihamı yaşanırdı. Məktəbəqədər təhsilləri olsa da, bu körpələr üçün birinci olmağın sevinci bir başqa idi. Məktəbin həyəti uzun müddətdən sonra ilk dəfə olaraq bu gözəl simalar, bu gözəl gülüşlərə şahidlik edirdi. Onlar arasında həyəcandan ağlayanlar, anasının əlini buraxmaq istəməyənlər də az deyildi.Məktəbli adını qazanan birincilərin valideynləri övladlarından daha həyəcanlı idi desək, yalan olmaz. Onların bu sevincini qəhər, göz yaşlarında da görmək mümkün idi.Məktəbdə ilk dərs gününü rəsmi açılışını edən direktor Lətifə Əzimova bildirib ki, 30 ildən sonra ilk dəfə olaraq bu ilki birincilər məktəbə zəfər qazanan bir ölkənin vətəndaşı kimi qədəmlərini atırlar. Tədbirin rəsmi hissəsində şəhidlərin əziz xatirəsi yad edildi, qazilərimizə tezliklə sağlamlıqlarına qovuşmaları arzulandıqdan sonra ilk zəng çalındı. Birincilər müəllimləri ilə daha yaxından tanış olmaq üçün sinif otaqlarına yollandılar. Təmiz dəhlizlər və fərqli dekorda bəzədilən sinif otaqları birincilərə bir başqa sevinc bəxş edirdi.İlk gündən məktəbi, siniflərini çox sevdiklərini deyən birincilər onlar üçün xüsusi dekorda bəzədilən dərs vəsaitləri ilə tanış olaraq bizimlə də sevinclərini bölüşdülər. 1C sinif şagirdi Cahid İsgəndərzadə məktəbi çox sevdiyini, burada yeni dostlar qazanacağını deyir:1C sinif rəhbəri Abidə Xambatova birincilərlə bağlı böyük arzularının olduğunu, tədris müddətdində onlara lazım olan bütün bilikləri verəcəyini, təməl daşlarının daha möhkəm olacağına inandığını bildirərək bütün birincilərə uğur arzulayıb.Məktəbəqədər təhsilin sayəsində bu körpə əllər artıq qələm tutmağı bacarır. Valideynlər isə onların sinif rəhbərlərinin sayəsində gələcəyin peşəkar mütəxəssisi kimi yetişəcəklərinə inandıqlarını deyirlər.Bir müddətdir ki, susan, lakin bu gündən körpə gülüşü ilə qaynayan dəhlizlər isə 11 il ərzində ən xoş xatirələrə, silinməz anlara şahidlik edəcək.Həmçinin oxuyun:Güllələr də susarmış... Artıq Tərtər məktəblərinin pəncərələrini atəş səsləri silkələmir

2021

xəbərlər

ru_AZ

xəbərlər, məktəb, zəng, azərbaycan