BNA bu yerlərdə sürəti 30 km/saata endirdi

© Baku Transport AgencyPiyada təhlükəsizliyinin artırılması məqsədilə işlər görülüb
Piyada təhlükəsizliyinin artırılması məqsədilə işlər görülüb - Sputnik Azərbaycan, 1920, 25.05.2021
Abunə olmaq
Sürət həddinə riayət olunmasının təşviq edilməsi üçün məhdudlaşdırıcı maneələr (tramplin) quraşdırılıb.

BAKI, 25 may — Sputnik. BMT-nin 6-cı Qlobal Yol Təhlükəsizliyi Həftəsi çərçivəsində 1 nömrəli tam orta məktəb, Kimya-Biologiya Təmayüllü  Lisey və 3 nömrəli xüsusi təhsil müəssisəsi ətrafında piyada təhlükəsizliyinin artırılması məqsədilə işlər görülüb.

Bakı Nəqliyyat Agentliyindən Sputnik Azərbaycan-a verilən məlumata görə, məktəblərin ətrafında sürət həddi 30 km/saata endirilib. Yol kəsişmələrində müvafiq yol nişanları quraşdırılıb. Yeni eyni səviyyəli piyada keçidləri təşkil edilib. Sürət həddinə riayət olunmasının təşviq edilməsi üçün məhdudlaşdırıcı maneələr (tramplin) quraşdırılıb.

Təhlükəsizliyin maksimum həddə çatdırılması üçün eyni səviyyəli piyada keçidlərinin önündə, asfalt üzərində “Məktəb”, “Yavaş” sözləri yazılıb. Əlçatanlığın təmin edilməsi məqsədilə həmin məktəblərin ətrafında pandusların quraşdırılması istiqamətində işlərə başlanılacaq.

Qeyd olunan təhsil müəssisələri ətrafında maarifləndirmə işləri "Nəqliyyat Könüllüləri" tərəfindən uğurla davam etdirilib. Könüllülərimiz hərəkət iştirakçılarını təhlükəsizlik qaydaları haqqında maarifləndirib, "Həyat dolu küçələr" şüarı ilə sürücüləri ehtiyatlı olmağa çağırıblar. Unutmayaq, piyada ən həssas və vacib yol iştirakçısıdır.

Xəbər lenti
0