Eldar Tanrıverdiyev, Sputnik Azərbaycan
BAKI, 11 may - Sputnik. "Bizim mətbuat konfransı zamanı məlumat gəldi ki, Tatırstanda məktəblərdən birində atışma baş verib".
Sputnik Azərbaycan xəbər verir ki, bunu Azərbaycan xarici işlər naziri Ceyhun Bayramov rusiyalı həmkarı Sergey Lavrovla Bakıda keçirilən görüşün yekunlarına dair birgə mətbuat konfransında bildirib.
"Günahsız insanların ölümü həmişə faciədədir. Mən həlak olanların ailə üzvlərinə, bütün Rusiya xalqına, dostlarımıza, bu gün Bakıda olan tərəfdaşlarımıza başsağlığı verirəm. Yaralıların tezliklə sağalmasını arzulayıram. Biz terrorun bütün formalarını qınayırıq", - deyə Bayramov bildirib.
Sonra Rusiyada terror aktı zamanı həlak olan şəxslərin xatirəsi bir dəqiqəlik sükutla yad edilib.
