BAKI, 6 may — Sputnik. Bakıda ana və övladı dəhşətli yol qəzasından son anda xilas olublar. Sputnik Azərbaycan-ın məlumatına görə, idarə etməni itirən "Chevrolet" markalı avtomobil "Toyota" markalı avtomobillə toqquşub. Toqquşmadan sonra avtomobil səki ilə hərəkət edən insanların üzərinə istiqamətlənib.
"Chevrolet" markalı avtomobil son anda yol kənarında BNA-nın quraşdırdığı təhlükəsizlik tumbasına dəyərək dayanır. Xoşbəxtlikdən səki ilə hərəkət edən şəxslərdən xəsarət alan olmayıb.
