BAKI, 3 aprel - Sputnik. Xəzər Universitetinin rektoru Hamlet İsaxanlının həyat yoldaşı, universitetin həmtəsisçisi, bəstəkar Nailə İsayeva dünyasını dəyişib.
Sputnik Azərbaycan Report-a istinadla xəbər verir ki, bu barədə sosial şəbəkələrdə onun dostları məlumat yayıb.
73 yaşlı N.İsayeva uzun sürən xəstəlikdən sonra vəfat edib.
Qeyd edək ki, N.İsayeva 1947-ci il may ayının 29-da Quba şəhərində anadan olub. Xəzər Universiteti nəzdindəki Dünya məktəbinin həmtəsisçisi, direktoru (2000-2010-cu illərdə), İdarə heyətinin sədri, Xəzər Universiteti Direktorlar və Qəyyumlar Şurasının müşaviri (2010-cu ildən başlayaraq) və bəstəkar olub.