Ermənistanda əsgər anaları ayağa qalxdı: Uşaqlarımızı Qarabağa aparmayın - VİDEO

© AP Photo / Dmitri LovetskyПротесты в Ереване, фото из архива
Протесты в Ереване, фото из архива - Sputnik Azərbaycan
Abunə olmaq
"Mənə ötən gün dedilər ki, Rusiya və Azərbaycan bizim əsgərlərimizi Qarabağda xidmət aparmağa qoymurlar. Biz dedik, yaxşı, qoy əsgərlər Ermənistanda xidmət etsinlər. İndi isə deyirlər, yox onlar yenidən Qarabağa getməlidirlər".

BAKI, 8 yanvar — Sputnik. Ermənistanda müddətli hərbi xidmət keçən əsgərlərin valideynləri Yerevanda V.Sarkisyan adına Hərbi İnstitutun qarşısında etiraz aksiyası keçirirlər. Sputnik Ermənistan xəbər verir ki, onlar bir həftəlik məzuniyyətə gələn övladlarının Ermənistanda saxlanılmasını və Qarabağa göndərilməməsini tələb edirlər.

"Mənə ötən gün dedilər ki, Rusiya və Azərbaycan bizim əsgərlərimizi Qarabağda xidmət aparmağa qoymurlar. Biz dedik yaxşı, qoy püşk atsınlar və əsgərlər Ermənistanda xidmət etsinlər. İndi isə deyirlər, yox onlar yenidən Qarabağa getməlidirlər. Uşaqlardan heç kim bunu istəmir və biz buna imkan verməyəcəyik", - deyə aksiya iştirakçılarından biri, əsgər anası jurnalistlərə bildirib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Xəbər lenti
0