02:27 22 Oktyabr 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
7 0 0

Çzen İsin bildirib ki, fevralın 11-i bütün ölkə ərazisində 1716 tibbi işçisi yeni növ koronavirusun formalaşdırdığı pnevmoniyaya yoluxub ki, bu da ümumilikdə bu xəstəliyə yoluxanların 3,8%-ni təşkil edir.

BAKI, 18 fevral — Sputnik. Çində koronavirusun yeni ştammına yoluxanların sayı 72 436 nəfərə çatıb.

Sputnik Azərbaycan xəbər verir ki, bu barədə Çin Xalq Respublikasının Gigiyena və Səhiyyə məsələləri üzrə Dövlət Komitəsinin məlumatında deyilir.

Məlumata görə, koronavirusa yoluxanlardan 1 886 nəfər ölüb.

Çinin Səhiyyə üzrə Dövlət Komitəsinin sədrinin müavini Çzen İsin bildirib ki, fevralın 11-i bütün ölkə ərazisində 1716 tibbi işçisi yeni növ koronavirusun formalaşdırdığı pnevmoniyaya yoluxub ki, bu da ümumilikdə bu xəstəliyə yoluxanların 3,8%-ni təşkil edir: "Çox təəssüf ki, onlardan 6-sı vəfat edib, bu göstərici isə ümumi xəstəlikdən ölənlərin 0,4%-ni təşkil edir".

Çin hökuməti 2019-cu il dekabrın 31-də Ümumdünya Səhiyyə Təşkilatını (ÜST) Hubey əyalətinin Uhan şəhərində naməlum sətəlcəm xəstəliyinin yayılması barədə məlumatlandırıb. Mütəxəssislər xəstəliyin törədicisinin yeni növ koronavirus olduğunu müəyyən ediblər.

ÜST bu xəstəliyin yayılmasını beynəlxalq əhəmiyyətli fövqəladə hal kimi tanıyıb.

Əsas mövzular