18:16 17 Yanvar 2019
Canlı yayım
  • USD1.7000
  • RUB0.0256
  • EUR1.9350
Mingəçevir şəhəri

Azərbaycanda yeni rekord təzələndi

© Sputnik / Ilham Mustafa
XƏBƏRLƏR
Qısa URL
12939 0 0

"Qonaq gedəndə dəyərli əşya əvəzi çantama qoyub aparıram"

İlham Mustafa, Sputnik Azərbaycan

BAKI, 11 dekabr — Sputnik. Mingəçevir şəhər sakini həyətində ilk dəfə olaraq çəkisi 1,2 kq-dan artıq olan limon yetişdirib. Nabat Əliyeva qohumunun verdiyi toxumu dibçəkdə becərdikdən sonra həyətyanı sahəyə köçürüb. Bitki 4 il sonra bar verib.

Nabat Əliyeva
© Sputnik / Ilham Mustafa
Nabat Əliyeva

Məhsuldarlığı ilə seçilən limonlar görünüşünə, çəkisinə, hətta dadına görə cənub zonasında bitən subtropik bitkidən fərqlənir. Becərdiyi meyvə haqqında Sputnik Azərbaycan-ın bölgə müxbirinə danışan Nabat Əliyeva limon ağacına qulluğu, körpə uşağa qulluğa bənzədir.

"Neçə ildi əkmişdim, bu il bar verdi. Kal vaxtı evdəkilər qırıb çəkisini yoxladılar - 1 kilo 200 qram gəldi. Ağac uşaq kimidir. Necə uşağa daimi qulluq edirsən, eləcə də bu ağaca etmək lazımdır. Mən də belə bitkilərə qulluq etməyin həvəskarıyam" - deyir həvəskar bağban.

Xanım müsahibimiz yetişdirdiyi limonun satışını etmədiyini, qonaq gedərkən ən dəyərli hədiyyə kimi çantasına qoyub apardığını deyir.

Bundan başqa Nabat Əliyeva bağında feyxoa, kivi və cənub zonasında bitən digər bitkilər də becərir. Havalar soyuyanda isə onların üstünü selofanla bağlayaraq soyuqdan qoruyur.

Qeyd edək ki, indiyədək yayılan məlumatlara görə, Azərbaycanda ən böyük limon Astara rayonunda yetişdirilib. Həmin meyvənin çəkisi 1 kiloqrama yaxın olub.

Dünyada isə, ən böyük limonu İsraildə yetişdiriblər - 5.2 kq.

Əlaqədar

Astarada yetişən nəhəng limon: Çəkisi də, qiyməti də fərqlidir
“Limon — beşi 1 manat” — Tarixə qovuşur
Limon suyunun inanılmaz faydaları
Sağlamlığın sadə resepti: Limon və su

Əsas mövzular