Paytaxtda avtomobil duracaqları və qarajları ilə bağlı yeni qərar verilib

© Sputnik / Irade JELILİkinci əl avtomobillər
İkinci əl avtomobillər - Sputnik Azərbaycan
Abunə olmaq
Baş nazirin qərarına əsasən bundan sonra duracaqlara BNA nəzarət edəcək

BAKI, 10 oktyabr — Sputnik. Baş nazir Novruz Məmmədov "Yol hərəkətinin təhlükəsizliyinin təmin edilməsi məsələləri haqqında" Nazirlər Kabinetinin (NK) 1999-cu il 6 aprel tarixli 60 nömrəli qərarında dəyişikliklər edilməsi barədə qərar verib. Sputnik Azərbaycan NK-nın saytına istinadla xəbər verir ki, NK-nın 1999-cu il 6 aprel tarixli 60 nömrəli qərarı ilə təsdiq edilmiş "Nəqliyyat vasitələrinin duracaqları və qarajları haqqında nümunəvi Əsasnamə"də müəyəyn dəyişikliklər edilib.

Кабинет министров Азербайджанской Республики - Sputnik Azərbaycan
CƏMİYYƏT
Azərbaycanda dövlət qurumunun səlahiyyətləri genişləndirildi

Beləki, Bakı şəhərinin inzibati ərazisində İnzibati Xətalar Məcəlləsinin (İXM) 346.1-ci və ya 346.2-ci maddələrində nəzərdə tutulmuş inzibati xətanı törətmiş şəxs nəqliyyat vasitəsinin yanında olmadığı və həmin nəqliyyat vasitəsinin yol hərəkəti və piyadaların hərəkətinə maneə yaratdığı hallarda, habelə həmin Məcəllənin 346-1.5-ci maddəsində nəzərdə tutulmuş hallarda nəqliyyat vasitələrinin müvəqqəti olaraq saxlanılması üçün mühafizə olunan duracaqlar Bakı Nəqliyyat Agentliyi (BNA) tərəfindən təşkil edilir.

Eyni zamanda, Bakı şəhərinin inzibati ərazisində İXM-nin 346.1-ci və ya 346.2-ci maddələrində nəzərdə tutulmuş inzibati xətanı törətmiş şəxs nəqliyyat vasitəsinin yanında olmadığı və həmin nəqliyyat vasitəsinin yol hərəkəti və piyadaların hərəkətinə maneə yaratdığı hallarda, habelə həmin Məcəllənin 346-1.5-ci maddəsində nəzərdə tutulmuş hallarda nəqliyyat vasitələri BNA-nın mühafizə olunan duracağına gətirilir.

BNA-nın mühafizə olunan duracaqlarında xidmətə görə ödəniş Prezidentin 2018-ci il 2 aprel tarixli 1902 nömrəli Fərmanı ilə təsdiq edilmiş "Bakı Nəqliyyat Agentliyinin Nizamnaməsi"nin 6.7-ci bəndinə uyğun olaraq müəyyən edilir.

Bakı şəhərinin inzibati ərazisində bu Əsasnamənin 2.4-1-ci bəndinə uyğun olaraq BNA-nin mühafizə olunan duracağında saxlanılmış nəqliyyat vasitəsi İXM-nin 97.2-ci maddəsində nəzərdə tutulmuş hallarda sahibinə qaytarılır.

Bununla yanaşı, qərarda qeyd edilib ki, Məcəllənin 2. 2.5-ci bəndə "DİN-in" sözündən sonra "(bu Əsasnamənin 2.4-1- ci bəndində nəzərdə tutulmuş hallarda isə Bakı Nəqliyyat Agentliyinin)"sözləri əlavə edilsin.

Xəbər lenti
0