Bakı, 23 mart — Sputnik. Fransada hökumətin qənaət planına etiraz edən yüzminlərlə insan küçələrə axışıb. Etirazlar 150-ə yaxın şəhər və qəsəbələri əhatə edir. Ən izdihamlı mitinqlər isə paytaxt Parisdə keçirilir. Fransalılar dövlət başçısı Emmanuel Makronun iqtisadiyyat və təhsillə bağlı islahatlarına qarşı olduqlarını bildirirlər.
Aksiyalar səbəbilə şəhər içi və şəhərlərarası qatarlarının 70 faizi relsləri təxirə salıb, paytaxtdakı hava limanlarında bütün aviareyslər dayandırılıb. Məktəblər tətilə çıxıb.
Sputnik Azərbaycan "Timeturk"ə istinadən xəbər verir ki, polis etirazçıları sakitləşdirmək üçün gözyaşardıcı qazdan və yüksək təzyiqli sudan istifadə edib. Yüzlərlə nümayişçi həbs olunub.
Fəhlə Həmrəyliyi Konfederasiyası qarşıdakı 5 il ərzində 120 min insanı işsiz qoymağı nəzərdə tutan islahatlardan dolayı narahat olduqlarını açıqlayıb.
