CƏMİYYƏT
Cəmiyyətin həyatında baş verən aktual hadisələr

Öncə kurs, sonra iş: Şəhid ailəsi üzvləri və qazilər üçün yeni imkan

© AFP 2023 / GREG BAKERБлогерша за ноутбуком, фото из архива
Блогерша за ноутбуком, фото из архива - Sputnik Azərbaycan, 1920, 14.08.2021
Abunə olmaq
Bu ayın əvvəlindən kurslara seçim mərhələsi başlayıb. Müsahibələr zamanı namizədlərlə ilkin tanışlıq olur, onların peşə maraqları, layihədən istək və gözləntiləri öyrənilir.
BAKI, 14 avqust — Sputnik. Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Azərbaycan Dövlət Neft və Sənaye Universiteti nəzdində təsis edilən İsrail-Azərbaycan Təlim Mərkəzi ilə birgə şəhid ailəsi üzvləri və qazilər üçün informasiya texnologiyaları üzrə hazırlıq kursları təşkil edir.
Sputnik Azərbaycan xəbər verir ki, bu ayın əvvəlindən kurslara seçim mərhələsi başlayıb. Müsahibələr zamanı namizədlərlə ilkin tanışlıq olur, onların peşə maraqları, layihədən istək və gözləntiləri öyrənilir. Hazırda da davam edən seçim mərhələsində artıq 40 nəfər şəhid ailəsi üzvləri və qazi müsahibədə uğur qazanaraq kurslara cəlb olunub.
Seçim mərhələsində namizədlərə Psixologiya Elmi-Tədqiqat İnstitutunun peşəkar mütəxəssisləri tərəfindən psixoloji dəstək tədbirləri də həyata keçirilir.
Dövlət Məşğulluq Agentliyinin "Peşə öyrən, işsiz qalma!" devizi ilə həyata keçirdiyi "Peşəkar" layihəsi çərçivəsində təşkil edilən kursları uğurla bitirənlərə İsrail-Azərbaycan Təlim Mərkəzi tərəfindən müvafiq beynəlxalq səviyyəli sertifikat veriləcək. Layihə çərçivəsində tərəfdaşlar tərəfindən onların işlə təminatına da dəstək göstəriləcək.
Kursa qeydiyyat davam edir və qoşulmaq istəyən şəxslər bu link vasitəsilə qeydiyyatdan keçə bilərlər.
Eləcə də oxuyun:
Burada iş yerləri var: 180 vakansiyanı dövlət müəssisələri təklif edir
Əsgərlikdə rabitəçi olmuşam: Arzum odur ki, rabitə sahəsində işləyim
Özünüməşğulluq proqramına yeni sahələr əlavə olundu
Xəbər lenti
0