https://sputnik.az/20210802/bakinin-ushaq-baqcalarina-elektron-qebul-bahsladi-427602063.html

Bakının uşaq bağçalarına elektron qəbul başladı

Bakının uşaq bağçalarına elektron qəbul başladı

Sputnik Azərbaycan

Valıdeynlər sayta daxil olaraq, müəssisənin adı yazılmış xanaya toxunmaqla müəssisədə övladının yaşına uyğun boş yerlər barədə məlumatı əldə edə biləcəklər. 02.08.2021, Sputnik Azərbaycan

2021-08-02T13:47+0400

2021-08-02T13:47+0400

2021-11-16T23:59+0400

xəbərlər

cəmiyyət

uşaq

uşaq bağçaları

elektron

qəbul

azərbaycan

https://cdnn1.img.sputnik.az/img/41921/12/419211294_0:0:1949:1097_1920x0_80_0_0_0abee30345fb8764e7dfec06b02f5727.jpg

 BAKI, 2 avqust — Sputnik. Bu gün, 2 avqust 2021-ci il saat 9:00 dan etibarən “bakibagcayaqebul.edu.az” saytı aktivləşdiriləcək və ilkin olaraq sayt vasitəsi ilə Bakı şəhərinin Nizami rayonu ərazisində yerləşən məktəbəqədər təhsil müəssələrinə uşaqların elektron qaydada qəbuluna başlanılıb.Bakı Şəhər İcraa Hakimiyyətindən Sputnik Azərbaycan-a verilən xəbərə görə, ölkə başçısının tağşırıqlarına uyğun olaraq, Bakı şəhərinin məktəbəqədər tərbiyə müəssisələrinə uşaqların qəbulunda şəffaflığın təmin edilməsi ilə bağlı uşaq bağçalarına uşaqların qəbuluna dair elektron xidmətin yaradılması işləri başa çatdırılıb. Artıq valideynlər evdən çıxmayaraq, innovativ əlavənin köməyi ilə bağçalarda boş yerlər barədə asanlıqla məlumat əldə edərək öz övladını paytaxtın uşaq bağçasına qeydiyyata ala bilərlər. Bakı Şəhər Məktəbəqədər Təhsil Müəssisələri və Uşaq Evləri İdarəsi tərəfindən pilot layihə kimi seçilən Nizami rayonunda bütün hazırlıq və təşkilati işlər həyata keçirilib. Bağçalara uşaq qəbulunun elektron qaydada həyata keçirilməsi üçün “bakibagcayaqebul.edu.az” saytı yaradılıb və istifadəçiləri maraqlandıran bütün suallar, o cümlədən qeydiyyatdan keçmə qaydası, məlumatların daxil edilməsi, uşaqların müəssisələrə qəbulu ilə bağlı sualların cavabları bu saytda yerləşdirilib.  Saytın istifadəyə verilməsi üçün sınaq testləri keçirilib və avqust ayının 2-dən saat 9:00-dan etibarən sayt fəaliyyətə başlayacaq. Valideynlər sayta daxil olaraq, müəssisənin adı yazılmış xanaya toxunmaqla müəssisədə övladının yaşına uyğun boş yerlər barədə məlumatı əldə edə biləcək, boş uşaq yeri olmadıqda vətəndaşa əraziyə yaxın 5 bağçada növbəyə dayanmaq seçimi təklif ediləcək.İlk gündən etibarən proses zamanı vətəndaşların qarşılaşdıqları problemlərin operativ həlli, qarşıya çıxan sualların cavablandırılması, mübahisəli məqamların aydınlaşdırılması ilə bağlı iş günləri saat 09:00-dan 18:00-a kimi “22-24" nömrəli qaynar xətt fəaliyyət göstərəcək və onun fəaliyyəti üçün elektron xidmət qrupu yaradılıb.Elektron qəbul sistemi iş prosesində qarşıya çıxan nöqsanlar, rəylər və təkliflər əsasında təkmilləşdiriləcək, Nizami rayonunda layihənin tətbiqindən sonra mərhələli şəkildə digər rayonlarda da elektron qəbul sisteminin tətbiqi həyata keçiriləcək.Xatırladaq ki, pilot layihə olaraq 2020-ci ildə Nizami rayonunda bağçalara elektron qaydada qəbula başlanıb. Sonradan isə mərhələli şəkildə digər rayonların yaradılan elektron  sistemə qoşulacağı nəzərdə tutulsa da, pandemiya səbəbindən bu iş təxirə salınmışdı.Qeyd edək ki, pandemiya dövründə uşaq bağçaları fevralın 15-dən fəaliyyətini yenidən bərpa edib.  Məlumat üçün onu da bildirək ki, Bakıda dövlət bağçalarının sayı 346-dır.Eləcə də oxuyun:Son 29 ildə Azərbaycanda uşaq hüquqları necə qorunub?Uşaq bağçalarına qəbul niyə dayandırılıb?

2021

xəbərlər

ru_AZ

xəbərlər, uşaq, uşaq bağçaları, elektron, qəbul, azərbaycan